Cinta, Orang Totua, Negeri deng "TUANG ALLAH"

Bastori tentang cinta

Cinta romantis nyong Saparoea par Nona Walanda

Cinta sejati Papa deng Mama di rumah tua

Dorang salalu bilang

Akang kokoh macang tembok Duurstede

Setegar batu karang Pisarana Hatusiri Amalatu

Tagal cinta TUANG ALLAH

Biking katorang ada

Lahir dari rahim cinta

Garser lia-lia, remaja, dewasa

Jatuh bangun cari tulang rusuk

Lalu atas nama cinta melahirkan generasi

**

Aniong salele kapala, penco di tangan

Ketekunan orang totua lambang cinta

Meski keringat darah menetes

Memungut oeng-oeng cengkeh

Di dusung-dusung negeri

Di lembah-lembah negeri

Di gunung-gunung negeri

Capeu di kapala, panggayo di bahu

Semangat orang totua lambang kasih kayang

Walau tabakar matahari

Menerjang arus deng gelombang

Di labuang-labuang negeri

Di tanjung-tanjung negeri

Di lautan biru

Semua tagal cinta, luar biasa

***

Saling cinta itu takdir manusia

Cinta par orang totua, negeri, jang sampe meti

Apalai kal cinta TUANG ALLAH

Dapa sukacita deng berkat selalu

Bersyukurlah

Cinta TUANG ALLAH

Par jalan nafas ini

Cinta TUANG ALLAH

Par orang totua

Cinta TUANG ALLAH

Par  negeri

Sampe horas ini

Kenanglah, cintailah, sayangilah, balaslah

Sebelum pudar, hilang dan tak kembali

Foris Rumah Dinas

[Menjelang 14 Februari 2015]